受到嚴重傷病問題困擾嘅巴塞隆拿，今晚會作客CF格蘭納達；殘兵巴塞上場喺西班牙盃以僅餘嘅人腳，排出最強陣容出擊，都只係僅以2比1險勝低組別球隊利納雷斯，今場回師聯賽，造訪近況不俗嘅CF格蘭納達，應該唔敢輕舉妄動，玩2.5球入球細先係明智之選。
（Now 632周日凌晨1時30分直播）
巴塞隆拿雖有隊長布斯基斯刑滿復出，老將丹尼爾及佐迪艾巴亦已康復可以披甲，但陣中仍受傷停困擾，達斯、巴夫韋迪同沙治羅拔圖正在養傷，加上奧士文尼迪比利、加維需要繼續隔離，而新星柏迪及剛加盟嘅前鋒費倫托利斯亦確診新冠肺炎，陣容嚴重不整。
巴塞上仗聯賽作客險勝馬略卡1比0，都係要靠盛傳將被放棄嘅借將盧克迪莊一箭定江山，可見主帥沙維排陣都幾頭痕，今仗作客出擊，想入多幾球都唔係咁易。
CF格蘭納達主場硬淨
踢法穩打穩紮嘅CF格蘭納達近6仗聯賽3勝3和未輸過，單計主場更係3連勝，包括反勝馬體會2比1，逐漸爬上中游，球員信心提升之下，絕對唔赦「地上最強」。巴塞本身已今非昔比，更要殘陣應戰之下，必定會小心翼翼，加上佢哋近10仗聯賽作客，有7次開出總入球2球或以下，今場入波隨時1球起、2球止，捧入球細好過。
