当前位置: 主页 > 港澳名报

法福走勢順明恰乙組1哥|東方日報

2023-02-07 11:06:59
今晚德盃16強焦點戰,法蘭克福主場火併達斯泰特。法福近8仗正式賽事未輸過,而且喺德盃對住非德甲分子甚少失手,越級挑戰嘅德乙「1哥」達斯泰特好難偷雞,主勝穩開。(有線661及601台周三凌晨3時45分直播)

法福今季演出平穩,連同復賽前在內,近8仗正式賽事取得5勝3和佳績,單計復賽後4仗聯賽錄2勝2和,包括打和班霸拜仁慕尼黑1比1,非常硬淨,其中箭頭高路梅安尼近3仗入4粒,呢位法國國腳經歷世盃洗禮後,愈踢愈有信心。法福除咗站穩聯賽前列之外,喺盃賽亦表現突出,不但於歐聯殺入16強,今屆德盃兩戰贏晒豪贈6蛋,證明佢哋都想喺盃賽發圍。

達斯泰特留力爭升班
另一邊廂,達斯泰特亦不遑多讓,自從於聯賽首輪輸波後,各項正式賽事近20仗未輸過,包括復賽後聯賽2連勝,而且喺上圈德盃淘汰德甲分子慕遜加柏,不過大部分對手都實力有限,難與法福相提並論,加上佢哋今季最大目標係升班,就算依家排緊榜首亦唔敢放鬆,未必有心爭盃。翻查紀錄,法福近6次喺德盃對住非德甲球隊,取得5勝1負,今仗可恃質取勝進身8強,熱捧主勝。
相关视频及分析 更多>>