今日賽事仍以國際賽為主，當中包括多場熱身賽在內，依家推介幾場同大家研究一吓！
日本攻力有待改善
日本缺少射手嘅老問題未改善，上仗面對烏拉圭，雖然有三笘薰、淺野拓磨擔正，佔盡上風竟然先失波，最終只靠後備入替嘅西村拓真建功逼和1比1，而且日本近3次對南美球隊僅2和1負，全開2球或以下，攻力麻麻，有指今仗會改用久保建英及前田大然。哥倫比亞上仗對南韓落後2球下逼和2比2，韌力十足，「藍武士」想贏唔易，寧捧2.5球入球細。
日本對哥倫比亞：入球細（2.5球）
日本主將：三笘薰
南烏碰頭旺半和
南韓新帥奇連士文崇尚進攻，接手執教後首仗即大踢進攻足球，孫興民更加梅開二度，但領先兩球下被哥倫比亞逼和2比2，吸取教訓後不敢再大意。烏拉圭喺世盃後重組，蘇亞雷斯、卡雲尼等老將都退落嚟，上仗被日本逼和1比1，表現一般。兩軍近3次碰頭全開半場和，半場波膽均為0比0，包括上年世盃分組賽，半場和不妨再追。
南韓對烏拉圭：半場和
南韓靈魂：孫興民
德國剋住比利時
下屆歐國盃主辦國德國繼續約拍跳，上場鬥完南美兵秘魯，今場同比利時鍊過，目的非常明顯，除咗與不同踢法嘅球隊試陣，亦由於德軍近4次對比利時全勝，有助提升士氣。比利時上仗雖然以3比0擊敗瑞典，但入3球嘅盧卡古踢法海鮮，加上今季長時間狀態低迷，最大問題係佢之前兩次鬥德國都入唔到波，今場難以看好，德國主勝抵玩。
德國對比利時：德國 勝
德國射手：迪姆華拿
