今日除咗有維多利亞一哩賽之外，仲有5場日職賽事。艾爾會同馬高、小喬評述浦和紅鑽對大阪飛腳嘅賽事，希望大家多多支持呀！
應屆亞冠盃冠軍浦和紅鑽，上場對希拉爾嘅決賽踢得唔算出色。自從波蘭籍監督史高沙執教後，紅鑽打法都偏向保守。雖然前綫有唔少外援，但係連斯臣、舒侯克等質素一般，「三哥」興梠慎三又年紀一把。對比廣島三箭、橫濱水手等強隊，紅鑽的確有啲差距。
不過，今場紅鑽嘅對手大阪飛腳更加不堪。艾爾對於球會聘請保耶托斯監督相當有保留，呢位西班牙籍監督當年執教德島漩渦成績認真麻麻，打法同樣較保守。再睇球隊好多巴西外籍兵，但入球能力唔係太強，如果繼續咁嘅情況，今屆護級形勢更加嚴峻。
雖然紅鑽已經手握下屆亞冠盃入場券，但艾爾相信聯賽都唔可以揸流攤。上場輸畀鳥棲砂岩，主要因為球隊有啲輪換，今次主力陣容出返嚟，相信會有啲唔同。再睇飛腳近5場作客全敗，近3場無波入，今次作客埼玉縣絕對唔易應付。賽前紅鑽讓球盤讓平半，雖然低水啲，但艾爾覺得買得過，而兩隊打法都係以穩行先，半場和亦可以考慮。艾爾
