今午韓職賽事，蔚山HD主場迎戰浦項制鐵，呢兩支傳統宿敵近況同樣欠佳，當中蔚山HD近4次主場出擊僅1勝，即使有地利，都不宜高估，另邊廂浦項制鐵亦頻頻失分，難有勝算，寧願博中位數2.5球嘅入球細。（無綫myTV Super周一下午3時30分直播）文:Mic少
蔚山連奪3季韓職冠軍後，球員爭勝飢渴感明顯有所下降，今季表現走樣，踢13場聯賽僅取得6勝2和5負，並出現「主場失利」情況，近4次主場只有1勝1和2負，包括不敵弱隊FC江原，預料更加難以喺浦項制鐵身上佔到甜頭。
浦項制鐵飄忽難言勇
至於對手浦項制鐵水準亦非常飄忽，近5場獲得2勝1和2負，其中2場勝仗都係主場，今場作客恐怕無力發圍。事實上，雙方近年交鋒往往陷入膠着，包括今年3月聯賽，浦項制鐵主場踢到80分鐘入波，以1比0險勝蔚山HD。此外，兩隊喺上屆韓足總決賽90分鐘打和1比1，浦項制鐵靠加時入波取勝捧盃，令雙方近3次交手法定時間內嘅總入球都係2球或以下，玩入球細最為穩陣。
