澳職季後賽4強首回合，墨爾本勝利先主場對奧克蘭FC。勝利近期一改以攻代守風格，後防表現有所改善，不過論實力，常規賽冠軍奧克蘭FC肯定更勝一籌，佢哋近15場僅逢1敗，今場受讓平半，下盤抵玩。（無綫myTV Super周六下午5時35分直播）文:邪神
奧克蘭FC今季新埋班，表現一鳴驚人，常規賽由頭帶到尾強勢封王，因此唔使踢淘汰圈賽事，有更多時間準備季後賽，對住要透過淘汰圈晉級嘅墨爾本勝利，單係球員體力已經好着數。
抖夠唔赦「墨勝」
奧克蘭近15場嘅唯一敗仗，就係煞科日作客輸畀西部聯，當時常規賽已提前奪冠，有所留力先輸波，今場養精蓄銳應戰，絕對頂得住，受讓必捧下盤。
