今晚沙特職尾場，吉達艾阿里主場迎戰伊蒂法克。今場只屬例行公事，新鮮出爐嘅亞冠盟主吉達艾阿里同伊蒂法克一樣等收咧，球員鬥心成疑，加上兩軍近年碰頭半場旺少交收，捧1.5球半場細好過。
（周五凌晨2時開賽）文:法達斯維
季尾弗到漏油嘅吉達艾阿里，坐擁艾雲東尼及馬列斯等前英超猛將，攻力強勁，之前更連挫武里南聯、希拉爾同川崎前鋒，勇奪亞冠精英盃錦標，並藉此取得下屆亞冠精英盃入場券。登上亞洲之巔，意味住吉達艾阿里今季已經任務完成，季尾跌Watt亦屬好正常，難怪之後2場聯賽只得1勝1負，明顯已經唔太上心。
伊蒂法克冇嘢爭唔慌搏
另邊廂，伊蒂法克上年請來「神奇隊長」謝拉特執教，仲有前「紅軍」中場韋拿杜姆助陣，點知「謝老四」教咗1年都冇乜進步，結果今年1月尾辭職，球會之後搵嚟艾舒希利接手，但佢領軍16場贏得6場咁大把，依家高不成低不就，徘徊中游爭奪亞冠精英盃入場券無望，唔慌有戰意。翻查紀錄，雙方近5次交手，吉達艾阿里獲2勝2和1負，其中4次半場開1球或以下，既然兩軍都係等放暑假狀態，一於轉捧半場細。
