周二韓職開快車，排包尾嘅FC大邱喺主場迎戰全北汽車，兩隊實力有一定分野，全北汽車上場大意失分後，為爭標今仗肯定打醒十二分精神，加上主力射手有機會傷愈復出，相信全北汽車有力重響勝鼓，客勝值得捧場。（無綫myTV SUPER周二晚6時30分直播）文:工廠仔
甘柏洛奴復出添攻力
全北汽車近期走勢唔錯，不過上場被排尾2嘅濟州聯悶和0比0，佢哋全場佔盡優勢，卻未能轉化為入球。今仗對住包尾大幡FC大邱，預計主隊都會擺出鐵桶陣死守，全北汽車吸取過上場教訓後，今仗必會調整進攻策略，上場缺陣嘅意大利前鋒甘柏洛奴有望復出，火力將大大增強。
全北汽車今季作客成績優異，近7場作客取得6勝1和，星級教練普耶嘅領軍能力有保證，務實踢法令球隊重返勁旅行列。
相反，FC大邱最近連輸兩仗，近13場聯賽輸咗10場，期間只係贏過「同病相憐」嘅濟州聯，對住全北汽車難有搶分機會，放心熱捧客勝。
