智甲下游大戰艾斯賓路拿對利馬切。艾斯賓路拿分心南球盃搞到聯賽成績極差，近5場智甲全部輸晒，利馬切雖然都係排下游，但近排慢慢上力，近4場獲3勝1負，今仗受讓必捧讓球客勝（+1）。（周三凌晨2時57分開賽）文:渡邊年
艾斯賓路拿近年喺智甲都係中下游浮沉，舊年排第6攞到今年南球盃參賽資格，球會將所有資源放晒喺南球盃，聯賽接近放棄咁濟，11戰只得2勝9負排尾二。不過喺南球盃都係出唔到線，分組賽6戰1勝2和3負，小組第3出局，依家兩頭唔到岸，成績低落仲搞到隊波士氣甚差。
艾斯賓路拿聯賽5連敗
升班球隊利馬切其實都唔算叻，聯賽12戰3勝2和7負排13，不過球隊只係季初尚未適應智甲節奏，經過幾個月，近來發揮已經漸趨穩定。喺智利盃以小組首名殺入16強，聯賽排名亦慢慢上升，各項賽事近4場贏3次，對住近5場聯賽輸晒，只入過兩球嘅艾斯賓路拿，有望保持不敗甚至贏波，今場有得受讓，讓球客勝（+1）萬勿錯過。
