世盃外南美洲區賽事，兩支邊緣分子對碰，排第7嘅委內瑞拉對第8嘅玻利維亞。南美洲前6均直入決賽周，第7亦可以參與附加賽，今場係「出線6分波」，兩軍肯定鬥攻，希望致對方死地而後生，2.5球入球大必捧。
（周六早上6時開賽）文:渡邊年
平心而論，雖然數字上委內瑞拉同玻利維亞都有機會上到前6，但其實機會都有啲微，兩軍好大機會都係爭附加賽資格，呢場重要程度，有如附加賽資格賽決賽咁濟。不過近年交手有個有趣現象，除咗2019年美洲國家盃中立場之外，最近7次交手全部都係主場之利嗰隊贏波，今屆外圍賽首循環，玻利維亞主場就贏4比0，預料今場委內瑞拉都會採取主動，不過主W太熱乏味，轉另一個投注角度去諗。
兩隊對壘例駁火
雙方鬥親都係互相對攻，近8次對賽全部開4球或以上，而且形勢上兩隊冇得縮，1分對出線冇幫助，求3分一定要豁出去，只要其中一邊打開紀錄，肯定唔會收手，加上玻利維亞世盃外14戰失30球，每場最少失2球，今仗2.5球入球大係投注不二之選，鍾意博分頭嘅朋友，可以試埋中位數3.5球嘅大。
