周六凌晨芬超賽事，上演一場前列大戰，由排第3位嘅古比斯，主場迎戰排第2位嘅赫爾辛基。兩支球隊目前同得23分，睇落實力不相伯仲，不過論近況其實係差天共地，火力全開嘅赫爾辛基態勇勒唔住，有力打狀態下滑嘅落水狗古比斯，今場捧客勝可謂定過抬油！
（周六凌晨1時開賽）文:工廠仔
古比斯體能士氣都輸晒
芬蘭名牌赫爾辛基近況極勇，對上7場聯賽6勝1和重返前列，由國家隊傳奇前鋒迪姆普基領導嘅鋒線，最近火力全開，6場勝仗入面每場都攻入至少3球。赫爾辛基周中喺芬蘭盃8強半力出擊，照樣大勝4比0，近10場比賽贏9場。
赫爾辛基係依家芬超狀態最好嘅球隊。相反，古比斯最近5場聯賽只得1分，球員信心跌落谷底。上場芬蘭盃8強同夏卡踢到互射12碼先晉級，今場連體能都輸埋，赫爾辛基必定趁機會大打「落水狗」，客勝放心捧場。
