聽朝美職尾場，洛杉磯銀河主場火併溫哥華白帽。銀河早已今非昔比，淪為西岸包尾曳到冇朋友，經常先失波係致命傷，白帽有機可乘，可博客隊「第一隊入球」。
（周六早上10時30分開賽）文:臻贏特
昔日西岸勁旅兼上季季後賽冠軍，銀河今季突然大跌Watt，踢咗20輪聯賽輸咗13場，真係慘不忍睹。睇番佢哋嘅陣容，隊長吉田麻也、馬高列奧斯等較具級數球員都已經三張六，其餘隊友又唔爭氣，搞到成績一路冇起色。
主隊今季聯賽僅１勝
直到上月頭擊敗皇家鹽湖城，先至打開今季聯賽勝利之門，銀河最大問題係後防集中力不足，聯賽已經失咗42粒，近5場就有4次先失波，都幾洩氣。
相反，白帽表現穩定得多，開咧後19場聯賽贏咗11場，而且只係失咗19球，係30支美職球隊中失波最少球隊，依家排緊西岸次席。就算單計客場，白帽亦取得5勝3和僅1敗，雖然近期表現有啲反覆，但撞正衰到貼地嘅銀河，絕對係翻身好時機，勢必一開波即搶攻博反彈，要速破對手嘅豆腐防線冇難度，必捧白帽「第一隊入球」。
