（周五凌晨3時開賽）文:Mic少
雖然挪威女足於分組賽2戰2勝，但比賽過程並唔輕鬆；首場對住主辦國瑞士，全靠對手擺烏龍先至反勝2比1。上場出戰芬蘭，挪威女足同樣「獲贈」烏龍波，認真好運。換言之，「挪女」今屆所得4個入波，只有兩球由自己球員射入，反映攻門質素欠佳。由於挪威女足已穩獲首名出線資格，相信今仗會輪換陣容，畀大部分主力休息，留力8強賽事，今場「挪女」一旦以副選人腳應戰，恐怕入波機會更加低。
冰島女足一心求守
至於冰島女足實力的確差一截，分組賽2戰2敗兼未能取得入球，唯一安慰係防守表現尚算不俗，兩場敗仗僅分別0比1不敵芬蘭，以及0比2敗於瑞士腳下，預料今場就算輸波，應該唔會大敗。冰島女足要攞尾彩機會比較低，可能會主守，希望和波博取1分，避免成為「三零部隊」已經達標，捧入球細係最佳選擇。
