南美球會盃附加賽首回合，厄瓜多爾甲組聯賽勁旅迪華利獨立隊主場迎戰巴甲華斯高。迪華利獨立隊係南美自由盃「降格」落嚟打南美球會盃，理論上整體實力比原屬南美球會盃嘅華斯高為強，不過厄瓜多爾甲組聯賽又比唔上巴甲，一來一回又扯平，考慮到作客嘅華斯高近期喺盃賽，上半場都踢得較保守，亦旺開半和，雙方初段互相試探之下，再追半場和啱數。（周三早上8時30分開賽）文:邪神
迪華利獨立隊喺自由盃表現唔差，6戰2勝2和2負得8分，僅因得失球差不及秘魯體育大學，排小組第3出局，作為一支喺自由盃都有能力爭出線嘅球隊轉戰南球盃，「卡士」自然佔優，佢哋喺自由盃3場主場賽事錄得2勝1和，包括2比2賽和阿甲勁旅河床，今場喺南球盃附加賽首回合主場出擊，不容小覷，但今次佢對手係實力點都有番咁上下嘅巴甲球隊，應該會睇定啲先求穩，上半場未必會施以猛攻。
迪華利鬥巴甲隊先求穩
華斯高實力喺巴甲只排中游，今屆南球盃表現亦一般，喺G組6戰得8分取得次名出線，整體實力應不及迪華利獨立隊，不過佢哋勝在防守力唔曳，首回合作客，踢法肯定更保守，再睇佢哋近4場南球盃半場賽果，錄得1勝3和，可見佢哋比賽初段有一定戰鬥力，相信最少可保住半場不敗，半場和值得看好。
