齊齊以攻代守
今晚英足盃第3圈有場英超內訌，韋斯咸主場迎戰列斯聯。「錘仔幫」以攻代守踢法效果唔錯，雖然列斯聯早前受疫情影響以致多場賽事延期，但新年檔期復出即贏波反彈，呢隊波入得又失得，兩隊碰頭隨時爆發入球騷，2.5球入球大好路。（myTV Gold 903周日晚上10時直播）
韋斯咸今季多線發展，近3仗聯賽2勝1負，現時位列第5，來屆歐聯席位有得爭，歐霸盃分組賽亦順利首名晉級，不過英聯盃8強以1比2不敵熱刺出局，為應付多條戰線，主帥莫耶斯今仗或會輪換。由於中堅葛特蘇馬及奧邦拿長抖，球隊近期踢法以攻代守，兩位中堅替工奇治戴臣及伊沙迪奧普連搏多場，今仗將被收起，麥克盧保有機會再度正選披甲，近3仗入2球嘅米查利安東尼奧亦將繼續擔正。
近期連爆入球騷
列斯聯因爆疫休戰多場，上周復出即以3比1擊敗般尼，結束3連敗走勢，不過該隊繼續面對陣容不整問題，迪亞高洛蘭迪及泰拿羅拔斯累積黃牌停賽，幾位主力班福特、洛迪高、加雲菲臘斯養傷，領隊比爾沙被迫殘陣應戰。兩隊踢法都好進取，近期都旺開大，韋斯咸近4仗全開3球或以上，列斯聯仲激，近5仗全開4球或以上，今仗要追2.5球嘅入球大。
