今晚英超煞科焦點落喺前5之爭，當中諾定咸森林主場迎戰車路士相當關鍵，雙方賽前只差1分，森林想後上殺入前5，除要全取3分外，仲要其他對手失分，無論如何爭勝欲望必定爆燈。文:謝德謙
森林基比斯韋特腳風順
森林上場作客以2比1擊敗韋斯咸，總算走出低潮，中場核心基比斯韋特及中堅尼高拉米連高域取得入波，預料主帥紐奴會對佢哋委以重任，特別係隊長基比斯韋特連續兩場建功，無可避免被對手嚴加防範，要靠基斯活特及安東尼艾蘭加等隊友幫手搵機會。
「車仔」上場憑左閘古古列拿建奇功，以1比0小勝曼聯，今場同樣力爭3分直接取得歐聯資格，但嚟緊周中仲有場歐協聯決賽火併貝迪斯，主帥馬利斯卡點樣排陣，真係要諗諗計。預料小將泰列基佐治再獲出場機會，配合高爾彭馬及柏度尼圖喺前場搵食。不過「藍戰士」始終有後顧之憂，想贏波唔係咁易。
