布倫瑞克首回合作客領先2球，形勢大好。德國乙丙組升降班附加賽次回合，布倫瑞克主場對沙貝魯根。首回合德乙嘅布倫瑞克作客以2比0領先沙貝魯根，始終德丙同德乙兩個聯賽實力有一定距離，今場沙貝魯根作客更難反先。布倫瑞克近8場主場出擊都有波入，而且近5次主場，4次開3球或以上，今場有望大勝保留德乙席位，推介2.5球入球大。（周三凌晨2時30分開賽）文:邪神
沙貝魯根落後焗攻
布倫瑞克近年都喺乙、丙組浮沉，對上兩季都喺德乙第15位降班區域邊緣，今季再降1位至16位要踢升降班附加賽，由於降班關乎球會發展同球員前途，相信佢哋就算領先兩粒都唔會hea，繼續全力出擊以避免陰溝裏翻船。
沙貝魯根對上兩季都喺德丙排第5，今季再升兩位排第3取得升班附加賽資格，無奈嘅係附加賽對手係喺德丙超晒班嘅布倫瑞克，首回合主場都吞兩蛋，今場作客只能盡力而為，贏唔到都希望入到波，雙方鬥攻之下相信入波唔會少，開入球大冇問題。
