周一美職西雅圖海灣者主場對哥倫布機員，西雅圖海灣者早前出戰世冠盃，3場輸晒出局，連埋之前聯賽2連敗，近6仗輸咗5場；相反哥倫布機員狀態大勇，剛剛取得3連勝，仲有望爭東岸冠軍，作客有力搶分而回，受讓平半必捧下盤。（周一清晨5時開賽）文:臻贏特
西雅圖海灣者早前代表北美洲出戰世冠盃，可惜於分組賽連續輸畀保地花高、馬德里體育會及巴黎聖日耳門，本來實力唔夠人嚟，輸波都無話可說，但連輸3場你話冇影響士氣就假嘅，話晒海灣者喺主場作賽，球員同球迷見到咁差嘅成績都幾冇癮。
更加得不償失係海灣者經過連場征戰，體力唔多唔少亦受到影響，有幾名球員受傷缺陣之餘，上場重返聯賽，雖然以2比0擊敗FC奧斯汀，但中場比加韋迪食紅牌，今仗要停賽，令整體實力進一步受削。
客軍近況弗爆衝擊東岸冠軍
哥倫布機員聯賽3連勝，接連擊敗西岸二哥溫哥華白帽及阿特蘭大聯後，最重要係上仗以1比0氣走東岸榜首嘅費城聯，令到機員追到同費城聯只相差3分，東岸冠軍觸手可及，今場當然乘勝追擊，決心喺近6場輸5場嘅海灣者身上搶分，加上機員近2次作客海灣者都保持不敗，今場受讓平半，下盤實在抵玩。
