英超尾場上演「倫敦打吡」，熱刺主場迎戰富咸。兩軍狀態都唔多掂，邊隊贏邊隊輸都好難講，預計兩軍都唔想失波失分，踢法會較為保守，推介2.5球入球細。（Now 621周日凌晨4時直播）文:法達斯維
熱刺近期戰績認真曳，各項賽事近6仗贏得1場，仲要係歐聯對弱旅哥本哈根，最大鑊係主帥法蘭克保守風格，又唔代表真係守得住，繼上輪作客阿仙奴輸四個一皮後，周中歐聯對巴黎聖日耳門更慘敗3比5，而且熱刺「主場不利」，今季聯賽6次主場僅1勝，唔多靠得住，加上富咸一向都算係倫敦細佬，如果輸埋畀富咸，熱刺真係冇晒面。
近6次對壘例少交收
不過富咸亦唔好得去邊，尤其作客超級不濟，開咧後6次聯賽客場，只得1和5負未贏過，預計佢哋疊埋心水防守，返主場先會搏殺，今仗預料戰情會相對膠着，加上雙方近6次對賽，5次開2球或以下，既然主客和難揀，不如轉玩2.5球入球細仲好。
