德甲周六凌晨賽事，包尾球隊緬恩斯主場迎戰慕遜加柏，兩隊同樣開季成績唔掂，不過慕遜加柏火速換帥後，成功止跌回升，近期聯賽全面復甦，近4場德甲搶到10分，球員重拾信心，今場食住個勢有望反客為主，客勝值博。
（Now 639周六凌晨3時30分直播）文:工廠仔
達巴高域弗爆攻力可靠
慕遜加柏9月份請到波蘭斯基執教，球隊表現穩步上揚，自從10月輸畀拜仁慕尼黑後，立即踢出一波4連勝，直到上輪打和ＲＢ萊比錫先至斷纜，當中4場聯賽3勝1和，積分榜不斷爬升。射手達巴高域狀態大勇，周中德盃輸波都有入球，連埋波斯尼亞國家隊在內，近8場入8球，入球能力夠晒保證。
緬恩斯今季要分心踢歐協聯，表現明顯力有不逮，開季12場聯賽只得1勝，敬陪末席，而且有愈踢愈頹之勢，近4場1和3負，3場敗仗連破蛋都乏力。相反慕遜加柏正處上升期，今場必打落水狗，客勝值得支持。
