今晚英超尾場諾定咸森林對阿仙奴，森林近期表現反覆，聖誕新年快車檔期錄得1勝4負，上場英足盃更遭英冠球隊域斯咸淘汰出局，後防極度不穩，近5場4次開3球或以上；聯賽係「兵工廠」主要戰場，今仗定必強陣出擊，針對森林後防弱點展開猛攻，入球必多，首選2.5球入球大。（Now 621及611周日凌晨1時30分直播）文:邪神
阿仙奴近期連續出戰英足盃及英聯盃，領隊阿迪達都能作出適當球員輪換，除咗正選嘅約基利斯、布卡約沙卡、迪格蘭賴斯、馬田奧迪加特等人在陣，後備席仲有夏維斯、加比爾馬天尼利、米基爾馬連奴、馬度基，可以盡情搶攻。森林近3場失7球，幸好佢哋攻力唔差，赫臣奧杜爾、基比斯韋特、伊戈捷西斯都係射得之人，有條件同阿仙奴駁火，入球大好快夠數。
利物浦尼料演入球騷
睇埋11點場利物浦對般尼，「紅軍」貴價兵域斯終於上力，唔驚入唔到波；再睇榜尾嘅般尼失球數字已經突破40大關，近4場3次開4球或以上，3.5球入球大可望輕鬆開出。（Now 621周六晚11時直播）
