英超「倫敦打吡」車路士主場迎戰韋斯咸，「車仔」自從新帥羅仙尼亞執教後，表現漸入佳境，各項賽事4連勝，當然要食住個勢，力爭打入聯賽前4位。至於韋斯咸亦要搶分護級，絕冇退縮空間。翻查雙方近6次對賽有5次上半場總入球開出2球或以上，首選1.5球嘅半場大。（Now 621及611周日凌晨1時30分直播）文:Mic少
「羅Sir」崇尚進攻足球，領軍6場比賽頻頻出現大比數賽果，包括上輪英超作客以3比1擊敗水晶宮，上場歐聯對意甲勁旅拿玻里，即使上半場落後1比2，最終仍然反勝3比2，取得16強席位，球隊士氣及信心都處於高峰。前鋒祖奧柏度腳風非常順，近4次上陣入4球，有力迅速攻破韋斯咸大門。
韋斯咸搶分豁出去
韋斯咸已跌入聯賽榜尾三「降班區」，落後尾四諾定咸森林5分，降班危機愈來愈大。「錘仔幫」已經別無選擇，就算明知車路士實力高一班，都要豁出去主攻，希望有分落袋。事實上，韋斯咸表現有起色，取得2連勝，包括作客以2比1擊敗另一支倫敦球隊熱刺，上仗鬥新特蘭，更加喺上半場領先3球。由於「車仔」防線並唔穩陣，韋斯咸入波機會甚高，半場大值博。
