英超今輪上演「倫敦打吡」重頭戲，車路士將坐鎮史丹福橋迎戰榜首嘅阿仙奴，兩軍近期表現都相當亮眼，勢必掀起一場硬仗。文:謝德謙
車路士近況大勇，上仗作客淨勝般尼，成功將同阿仙奴嘅分差收窄至6分，上周中歐聯擊敗強敵巴塞隆拿，加上中場核心高爾彭馬有望今戰復出，為「車仔」前場增添創造力。而「兵工廠」主帥阿迪達直言，今仗不只要守住榜首，仲要藉住呢場大戰展示球隊嘅爭標決心，阿仙奴中場大將迪格蘭賴斯今季表現唔錯，另外伊比爾治伊斯近期持續有好表現，兩人被「車仔」視為心腹大患。
防守紀律夠成熟
「倫敦打吡」一向激情四射，但車路士近幾年喺史丹福橋面對阿仙奴都未嘗一勝，能否喺主場打破宿命亦成焦點之一。「車仔」近期3連勝氣勢強勁，「兵工廠」防守紀律相對成熟，雙方各有優點，但阿仙奴以整體穩定略佔上風。
