沙特國王盃決賽爆發，由艾科魯特同希拉爾爭奪冠軍。希拉爾係沙特班霸，相反艾科魯特只係下游球隊，實力同級數都有大段距離，希拉爾捧盃機會極大。不過今場決賽未必會一面倒，事關希拉爾仲要留力沙職對艾納斯嘅生死戰，今場只求捧盃不求大炒，讓2球/2球半實在太辣，捧下盤更好路。
（on.cc東網周六凌晨2時直播）文:工廠仔
希拉爾係沙職最穩定球隊，今屆仲未輸過1場波，喺意大利教頭施蒙尼恩沙基執教下，希拉爾踢法更講求穩陣，唔會刻意追求大炒，上場聯賽對卡赫利僅勝2比1，今年24場比賽只有6場贏多過2球，對於實力超班嘅希拉爾嚟講，明顯係更加重視實際。
沙職豪門留力聯賽
近期錄得4連勝嘅希拉爾，喺沙職已追近榜首艾納斯，佢哋喺今場決賽4日之後，就會作客艾納斯上演「天王山之戰」，今場當然想捧盃振軍心，但絕對唔會浪費多餘體力去爭取大勝，以希拉爾控制比賽能力，有望做到見好即收。
艾科魯特雖然實力有限，但都唔係不堪一擊，佢哋近期狀態理想，近6場賽事只輸過1場，獲得1勝4和成績，而且艾科魯特目前並冇任何傷兵問題，4強淘汰伊蒂哈德已經展示出一定韌力，今場捧下盤係明智之選。
