女歐聯第4輪焦點賽事，由國際米蘭女足主場惡鬥曼城女足。國米女足吸取上輪歐聯慘敗教訓，今仗遇強一定死守博偷雞，「女藍月」今屆仍未開齋欠霸氣，就算恃質贏波都難大炒，寧捧3.5球嘅入球細。（Now 639周三凌晨4時直播）文:法達斯維
國米女足頭3輪女歐聯勝和負各一，最大問題係攻力不濟，頭兩輪面對實力較弱的赫根女足同奧地利維也納女足，亦分別只入1球。國米女足上輪造訪勁旅里昂女足即狂吞6蛋，全場只得1次中龍埋門，反映出佢哋攻力非常疲弱，加上上輪沉重嘅教訓，對住強隊惟有先做好防守，連同外圍賽在內，國米女足近5仗女歐聯4次開3球或以下，明顯守強攻弱。
「女藍月」狀態平平難破鐵桶
另邊廂，曼城女足當然技高一籌，不過佢哋今屆女歐聯之路唔多順，頭3輪先後賽和拜仁女足、皇馬女足同巴黎聖日耳門女足，只入4粒仲未打開勝利之門，當然呢3仗對手都偏強，贏唔到亦唔出奇，不過冇乜霸氣，連同聯賽，佢哋近4仗只得2勝2和，唔算托弗，對住一心死守嘅國米女足，要攻破佢哋鐵桶陣都要唔易，客W得1.3倍冇肉食，轉捧3.5球細盤更上算。
