中國喺今個國際賽期安排四國賽,上場2比0擊敗馬來西亞,今仗再喺肇慶迎戰巴林。國足近期成績欠佳,不過多位主力回歸後,戰力有所提升,面對同樣狀態差勁嘅巴林,預料戰況膠着,考慮到雙方入球能力偏低,博2.5球入球細最好路。(周二晚上8時開賽)文:工廠仔
國足喺上個國際賽期,4場熱身賽僅贏「魚腩」馬爾代夫,其餘3場都吞蛋輸波。由於當時撞正亞運,中國陣容不整,今次主帥邵佳一能夠重召多位主力,防守肯定更加穩固。今場本來係國足準備亞洲盃嘅最後演練,但隨住亞洲盃延期,球隊有更多時間去試陣,特別係攻擊核心韋世豪因紀律問題未有入選,球隊將會重新適應進攻戰術,勢必影響入球能力。
巴林近8場賽事輸6場,狀態同樣低沉,佢哋目前世界排名第97位,同排第96位嘅國足不相伯仲。巴林係典型西亞硬朗風格,較多身體對抗,國足喺呢方面亦不落下風,上屆世盃外,國足就曾兩勝巴林1比0,近4次對賽總入球全開2球或以下,今場一於追細。
日本對巴拉圭入波唔慌多
另一支亞洲勁旅日本,會喺中立場新加坡對巴拉圭。巴拉圭上場大勝新加坡,不過今次對住實力強大嘅日本,肯定施展最拿手嘅低位防守,日本想入波都唔易。巴拉圭最近7場賽事,有6場總入球開2球或以下,2.5球入球細值得再追。(周二晚上9時10分開賽)

