PSG女足作客步步為營 車女硬淨細守城池_東方日報

2026-11-18 09:17:41
女子歐聯競爭激烈,今輪有車路士女足主場迎戰巴黎聖日耳門(PSG)女足。車路士女足今季坐擁歐洲最強防線,係佢哋喺英超同歐聯名列前茅嘅最大原因;巴黎聖日耳門女足防守亦算穩健,作客一向穩打穩紮,今場戰情會好緊湊,隨時1球定勝負,博3.5球入球細好路。(Now 638周四凌晨4時直播)文:工廠仔

車路士女足近期硬仗連場,上星期歐聯作客0比0悶和赫根女足,返到英超榜首大戰,再以1比0擊敗曼城女足登上榜首,士氣高昂。車路士女足以英格蘭國腳邦朗絲作為防線核心,今季打造銅牆鐵壁,英超10場賽事只失5球,喺歐聯踢4場更加1球未失,近6場歐聯有5次開3球或以下。

巴黎聖日耳門女足上輪輸畀拜仁慕尼黑女足,4戰4分排喺第10位,呢支法甲勁旅守強於攻,尤其作客比賽踢得特別小心,佢哋近7場作客保持不敗,而且近9場作客有8場開2球或以下,明顯以唔輸波為大前提,希望穩中求勝,今場作客車路士女足唔會出現太多入波。

曼城新敗讓唔起赫根
另一場賽事,赫根女足對曼城女足,曼城女足啱啱被車路士女足打破今季不敗身,兼且痛失聯賽榜首位置,球員信心受到動搖,哀兵作客瑞典唔係咁易贏。赫根女足近兩場歐聯先後打和巴黎FC女足同車路士女足,連續8場賽事保持不敗,今場受讓抵玩,捧讓球主勝。(Now 643周四凌晨1時45分直播)
Tags: 更多>>