阿德萊德聯啞火焗守 西悉再追半場和_東方日報

2026-11-20 09:56:10
周五澳職獨腳戲,西悉尼流浪者主場迎戰阿德萊德聯。西悉尼流浪者今季表現慢熱,開季4場澳職全開半場和,對手阿德萊德聯未贏過淪為包尾大幡,亦都唔想早早輸波,預料會加強防守,今場不妨再追半場和。

(無綫82台周五下午4時40分直播)文:路西法

西悉尼流浪者今季開局展現極強嘅慢熱特質,近4場聯賽無論最終贏定輸,上半場全部同對手打成平手,當中包括兩場0比0同兩場1比1,「半場和」走勢極度穩定。

西悉今季改咗風格,開賽初段往往採取較為謹慎嘅試探策略,中場有科亞基特同迪比斯奧負責控制節奏,後防由謝明費利拉及門將羅倫士湯馬士把關,防線集中度相當高,唔會貿然壓上搶攻,前線則靠隊長波里路同尼高拉斯米蘭奴域踢反擊。

阿德萊德聯啞火焗守
阿德萊德聯一向注重控制中場,不過今季似乎唔係好順,3戰只得1和2負仲未開齋,球隊分心亞冠二,唔多唔少影響成績,最大問題係攻力不足,現時聯賽只入過3球,預料今場都以防守為主,相信戰情會比較膠着,玩半場和啱數。
Tags: 更多>>