日職戰火重燃,衞冕嘅鹿島鹿角主場迎戰清水心跳。鹿角近期聯賽接連失分,依家落後榜首FC東京10分,要保爭標希望不容再失,最近日聯盃連勝重振士氣,今仗主場出擊必全力搶攻。心跳近期沉淪,已經捲入降班危機,想止血今場要盡地一煲,3.5球大盤博得過。
(周五下午6時開賽)文:工廠仔
清水心跳搶分駁火
鹿島鹿角最近4場聯賽只得1勝,最大問題係防線不穩,近4場聯賽失咗8球。佢哋國際賽期間踢日聯盃,採用以攻代守戰術,連續兩回合都以3比2挫橫濱水手殺入4強,總算幫球員挽回信心。鹿島鹿角主場威力十足,近8場主場7勝,而且近4次主場有3次開4球或以上,相信會繼續強攻爭勝。
清水心跳正經歷聯賽4連敗,依家只距離降班區多2分,唔盡快「止血」嘅話後果不堪設想,今場要頂硬上爭取入波,避免連續5場「吞蛋」。鹿島鹿角近期防守多甩漏,因此清水心跳想偷雞唔難,不過佢哋本身防線都係弱不禁風,今仗駁火味道濃,捧入球大最划算。

