小杜林又入波向施丹示威_東方日報

施丹入主法國隊首個國際賽檔期，交出3勝1和成績，歐國聯仍未出線，較為意外係佢冇徵召「世姪」馬古斯杜林，而小杜林日前意甲繼續打爭氣波，意甲重開即有波入，協助國際米蘭3比0大勝帕爾馬，5場意甲交出3球2助攻，似係向施丹示威。對於自己落選，小杜林表示：「我已經做好入選準備，但領隊作出佢嘅選擇，我惟有尊重佢嘅決定。」馬古斯杜林喺國米表現穩定，連續兩季為國米攻入18球，嚟緊國米歐聯主場鬥布魯日，相信佢再有機會數胡，幫球隊搶分。（周三凌晨3時開賽）