亞冠盃A組賽事，日職勁旅鹿島鹿角主場出擊，迎戰韓職浦項制鐵。日職盟主鹿角今屆志切喺亞冠盃大展拳腳，前兩輪全取6分，今仗主場出擊誓搶3分，對住近況低迷嘅浦項制鐵贏面高，半場主勝穩陣。文:工廠仔
（HOY 76台周三晚6時直播）
鹿島鹿角開季表現強勁，雖然上場日職大戰2比3輸畀柏雷素爾，但佢哋明顯為今場留力，里奧施亞拉、關川郁萬未有上陣，卡夫歷同馬菲斯般奴只係後備登場，可見鹿角決心盡早喺亞冠盃鎖定出線。加上鹿角主場威力十足，對上5場主場取得4勝，合共攻入16球，4場勝仗都喺上半場領先，包括喺亞冠盃半場炒紐卡素噴射機5比0，最後贏7比1，火力相當驚人。
客隊近況差防線不穩
浦項制鐵近況低沉，對上10場賽事只贏過1次，近4場作客更1和3負，連續兩場作客被對手攻入3球，防守疲弱，造訪擁有頂級鋒線嘅鹿角凶多吉少，半場主勝係最佳選擇。
