馬德里體育會主場迎戰拜仁慕尼黑爆發「矛盾大戰」！馬體會教練施蒙尼以極致防守應付歐聯，今屆3場只失3球，拜仁今屆歐聯入波雖多，但只得1勝2和戰績唔突出，加上前線有多名傷兵，而且雙方近6次交手，5次半場開1球或以下，今場向1.5球半場細埋手。（Now 643周三凌晨4時直播）文:渡邊年
「床單兵團」一向以鐵血防守聞名歐洲球壇，雖然唔少人質疑施蒙尼嘅「泊大巴」戰術，但馬體會球迷及球會高層就相當認同，自2011年施蒙尼開始執教，呢種極致嘅穩定性，為球會帶嚟唔少錦標同歐聯收入。
拜仁傷兵多攻力打折扣
拜仁慕尼黑雖然有前鋒哈利卡尼贏得金球獎，但今季表現似乎有所回落，聯賽5勝3和同多蒙特平起平坐，歐聯亦只得1勝2和，最大問題係，球隊多名球員有傷，路易斯迪亞斯、沙巴利、基拿比同穆斯阿拿唔出得，米高奧利斯亦上陣成疑，得番哈利卡尼一個孤掌難鳴。
值得留意嘅係，喺施蒙尼執教呢15年間，曾經6次面對拜仁慕尼黑，成績為2勝1和3負，3次主場出擊2次贏1比0，1次打和1比1，戰績明顯話畀你知，呢名阿根廷教頭嘅戰術非常奏效，而且上半場球隊有氣有力時，更可以頂住拜仁，1.5球半場細高唱入雲。
