沙特職雙響炮，聯賽2、3位球隊分途出擊，排次席嘅希拉爾主場迎戰尼奧姆SC，同埋「三哥」吉達艾阿里主場對艾科魯特。
希拉爾上仗對艾納斯嘅榜首大戰，憑對方最後10秒嘅烏龍波逼和1比1，力保微弱嘅爭標希望，亦保住球隊喺本土賽全季不敗金身；不過現實啲睇，希拉爾踢少1場落後艾納斯5分，今場贏波仍然落後2分，爭標依然被動，何況佢哋陣中老將多，季尾節奏明顯放緩，近5仗全開3球或以下，今場即使贏波頂盡小勝，捧3.5球嘅入球細仲穩陣。（on.cc東網周日凌晨零時05分直播）文:邪神
吉達速食艾科魯特
吉達艾阿里上月尾成功衞冕亞冠精英盃冠軍，今季基本上已經完成任務，不過佢哋班球員仍然搶韁，回師本土賽錄得3連勝，3場勝仗全部半場領先，射手艾雲東尼現時累積31球排神射手榜首，不過只係領先艾卡迪沙嘅祖利安基洛尼斯1球，要爭沙特職金靴仍然不容鬆懈。對手艾科魯特係中下游球隊，擋唔住吉達艾阿里進攻，半場主勝有計。（on.cc東網周日凌晨2時直播）
