日本足總公布今夏世盃26人大軍名單，共有23名歐洲落班球員，打破上屆卡塔爾世界盃19人歐洲落班紀錄，不過較為可惜嘅係兩位領軍人物南野拓實及三笘薰因傷落選。
雖然冇咗兩大主力，但日本大軍仍然星光熠熠，前鋒線由久保建英及前田大然領銜，中場有遠藤航、伊東純也、堂安律，後防有伊藤洋輝、富安健洋，門將鈴木彩艷。
三笘薰南野拓實因傷落選
今屆名單共有23人在歐洲落班，其中12人效力歐洲5大聯賽，只有3人喺日本本土，其中兩個係門將早川友基同大迫敬介，場區球員只有FC東京嘅長友佑都並非喺歐洲落班。
日本喺今屆世界盃編入F組，對手有荷蘭、瑞典同突尼西亞。
日本世盃名單
門將：早川友基、大迫敬介、鈴木彩艷
後衞：長友佑都、谷口彰悟、板倉滉、渡邊剛、富安健洋、伊藤洋輝、瀨古步夢、菅原由勢、鈴木淳之介
中場：遠藤航、鐮田大地、小川航基、堂安律、田中碧、中村敬斗、佐野海舟、鈴木唯人、鹽貝健人、後藤啟介
前鋒：久保建英、伊東純也、前田大然、上田綺世
